გაიგეთ მეტი ანნას შესახებ:
გამარჯობა! მე ანნა ვარ, სერტიფიცირებული ლაქტაციის კონსულტანტი (IBCLC) და პედიატრიის მე-3 წლის რეზიდენტი. კლინიკური გამოცდილება მივიღე ამერიკაში, მერილენდის შტატში, ქალაქ ბალტიმორში.
აქ გავიცანი ჩემი უნიკალური მენტორი - ანნ ფაუსტი, რომელმაც სრულიად შეცვალა ჩემი ცხოვრება. მქონდა პატივი დავსწრებოდი მის კონსულტაციებს და დღემდე ყველა ვიზიტის დროს წარმოვიდგენ ჩემს მაგივრად რას გააკეთებდა. ხშირად ვიყენებ მის ხუმრობებსაც :)
ჩემი მიზანია, რომ დედებსა და სამედიცინო დარგის წარმომადგენლებს გავუზიარო მიღებული ცოდნა და გავაუმჯობესო ძუძუთი კვების კულტურა ჩვენს ქვეყანაში
ჩემს პრაქტიკაში ვცდილობ, სამეცნიერო მტკიცებულებებზე დაფუძნებული ცოდნა ადამიანურ სითბოსთან და ემპათიურ მიდგომასთან შევათავსო რათა თითოეულ ოჯახს დავეხმარო მათ საჭიროებებზე მორდგებული ინდივიდუალური გზით.
ჩემი საქმიანობის მთავარი ინსპირაცია ჩემი ორი შვილია - ალექსანდრე ( 6 წლის) და ნიკოლასი(2 წლის).
ლაქტაციამ გააღრმავა ჩემი დედობრივი კავშირი მათთან და მომცა მოტივაცია, კიდევ უფრო გამემდიდრებინა ცოდნა ამ სფეროში.
ჩემი მეუღლე (შოთიკო) მეან-გინეკოლოგია და ჩვენი პროფესიული ინტერესები ხშირად იკვეთება - ვემსახურებით ერთსა და იმავე მიზანს - ქალების ჯანმრთელობას, დედების მხარდაჭერას და ახალშობილების კეთილდღეობას.
ჩემი ჰობია კითხვა. როცა თავისუფალი დრო მაქვს ვკითხულობ წიგნს, ვსვამ ყავას და სანთლის შუქზე ვწერ დღიურს.
ძალიან მიყვარს ცხოველები და ვოცნებობ, რომ მქონდეს დიდი ეზო, სადაც ძაღლი მეყოლება და ჩემს გიგანტურ მონსტერებს დავალაგებ…
ჩემი მენტორი და ამერიკელი კოლეგები
